Серија која ретко кој нема слушнато за нејзе. Со нејзините први прикажувања ги собори сите рекорди на гледаност во Америка и пошироко. За пилот епизодата се потрошени рекордни 12 милиони долари.
Во серијата се работи, за една група на луѓе која ќе преживее авионска несреќа и ќе се најдат на мистериозен остров. Локацијата на островот не се знае, но се знае дека патниците патувале од Сиднеј кон Америка, кога се срушил авионот. Иако овој факт не значи ништо за точната локација на островот. Интересно е што сите патници, тотални туѓинци, се поврзани меѓусебно на одреден начин, директно или индиректно.
На почетокот општа констатација ќе биде дека е тоа пуст остров, но како проаѓа времето тие ќе најдат повеќе станици за кои ништо не се знае, единствена претпоставка е дека во нив се вршеле психолошки експериментирања. Потоа и ќе се открие дека тие не се сами на островот туку дека има цела заедница на луѓе кои живеат нормално во населби и во "урбанизирана" средина. Се разбира тие ќе бидат негативците во серијата и според мислење на многумина чувари на тајните на островот.
Серијата е исполнета со авантура, мистерија, психологија и се разбира доста акција. Кастингот според мене е одличен, а и екипата што работи зад него. Само се надевам дека толку добри ќе бидат и Star Trek XI кога ќе го прават.
Да не го тупам многу, ќе оставам простор и вие да шкртнете по некој збор.
Предмет: Lost 
Сре Апр 18, 2007 1:59 pm
